Цаг бол алт

Өглөө бүр таны дансанд 10'000 ам $ оруулах банк байна гээд та төсөөлдөө... Тэр мөнгөнөөс та хүссэн хэмжээгээрээ авч хэрэглэж болно. Гагцхүү тэр өдөр л өнгөрвөл үлдэгдлийн хэмжээ ямар ч байсан хамаагүй дансны тань тооцоо хүчингүй болно...

Энэ тохиолдолд та юу хийх вэ?
Эцсийн 1 центийг ч үлдээлгүй авч хараглах байсан ч байж магад... Хэдий бид үүнийг сэтгэлдээ төсөөлж зөвхөн мөрөөдөж байгаа боловч бодит амьрал дээр хүн бүхэнд ийм банк бий. Энэ бол цаг хугацаа. Тийм ээ, цаг хугацаа гэгч энэ банк өөрийн гэсэн хууль дүрэмтэй. харин 1 ялгаа нь $, центний оронд хором мөчүүдийг дансанд тань оруулдаг.

Хэрэв та тухайн өдрийнхөө хормыг үр ашигтай хэрэглэж чадалгүй үлдээвэл тэр бүхэн хог болон хаягдах бөгөөд өөр хэн ч биш та л хохирч үлдэнэ. Дараа өдрийнхөөсөө урьдчилгаа авна гэсэн ойлголт байхгүй. Тэгэхлээр тан гарт зөвхөн өнөөдөр л байгаа. Өнөөдөр дуусч маргааш болоход өчигдрийн бүх юм арилж, танд шинэ данс нээгдэнэ. Гар дах хөрөнгөө хамгийн үр ашигтай, зөв зарцуулж чадвал тэр бүхэн танд эрүүл энх, аз жаргал, амжилт бүтээлээр дүүрэн амьдрал болон үлдэнэ. Цаг хугацаа харван одоход үнэлж баршгүй их баялаг урсана.

1 жилийн үнэ цэнийг нөгөөх л ангидаа улирч хоцорсон сурагчаас асуу...

1 сарын үнэ цэнийг нялх үрээ төрүүлсэн эхээс асуу...

1 долоо хоногын үнэ цэнийг тэр хугацаанд сэтгүүл гаргагч редактораас асуу...

1 хормын үнэ цэнийг авто осолд ороод шаналж хэвтээ өвчтөнөөс асуу...

1 мөчийн үнэ цэнийг алтан медаль энгэртээ зүүсэн аваргаас асуу...

Эцэст нь энэ бүхнийг өөрөөсөө асуугаа үзээрэй. Тэгвэл цаг, мөч, хором бүрийн үнэ цэнэ мэдрэгдэх болно. Өчигдөр бидний хувьд улиран одож, маргааш оньсого таавар болон хүлээж байгаа. Өнөөдөр бол бидэнд оногдсон шагнал юм.
Хүмүүс цаг хугацааг урсан өнгөрдөг гэж боддог, гэвч үнэндээ хүмүүсийн амьдрал л урсан өнгөрдөг.