Байнанс P2P дээр Appeal хийх заавар

Байнансын P2P дээрх ихэнх арилжаа ямар ч саад, зөрчилгүй сайхан хийгддэг хэдий ч, арилжаанд оролцогч талуудын дунд янз бүрийн шалтгаанаар маргаан үүсэх боломжтой тул, тэр тохиолдолд асуудлыг шийдвэрлүүлэх зорилгоор Байнансруу Appeal буюу Давж заалдах (хянан шийдвэрлүүлэх өргөдөл гэж ойлгож болно) хүсэлт илгээх эрхийг 2 талд ямагт адилхан олгож байдаг. Энэ нөхцөлд, Байнансын харилцагчийн үйлчилгээний төвийн ажилтан хүлээн авч, асуудлыг шийдвэрлэж, гомдлыг барагдуулах боловч, хүсэлт илгээхээс өмнө бусад боломжтой бүхий л аргаар харилцан тохиролцоонд хүрэхийг хичээгээрэй гэж зөвлөе.

Биржийн ТАНИЛЦУУЛГА

Шууд БҮРТГҮҮЛЭХ

Бүртгүүлэх ЗААВАР

Бүртгэлээ баталгаажуулах ЗААВАР

Хэрэв харилцагч тань арилжааг гүйцэлдүүлэхгүй удаад байвал юуны түрүүнд түүнтэй холбоо барих гээд оролдоод үзэх хэрэгтэй. Утасны дугаар, чат гээд сонголтуудаас боломжтой гэсэн болгоныг оролдоод үзэхэд гэмгүй. Appeal хийснээс, өөрсдөө тохироогоо хийсэн цаг хугацаа, хүч хөдөлмөр хэмнэнэ. Гэвч үнэхээр тэгэх боломжгүй нөхцөлд хүрсэн бол доорх зурагт харуулсаны дагуу өргөдлөө илгээгээрэй.

Захиалгыг аль 1 талаас Appeal хийсэн даруйд, эцэслэн шийдвэрлэх хүртэл крипто хөрөнгийг түгжих бөгөөд харилцагчийн үйлчилгээний ажилтан, 2 талын аль алинтай нь ц-шуудангаар холбогдон, болсон үйл явдлыг баримттайгаар тайлбарлуулж, шалгах тул цаг хугацаа их орох боломжтойг анхаарах нь зүйтэй.

Борлуулагч талаас Appeal хийх үндэслэл

1. Худалдан авагч төлбөрийг шилжүүлсэн хэдий ч, дүн нь платформ дээр харагдаж буй дүнгээс зөрж байгаа үед.
2. Худалдан авагч талаас төлбөрийг шилжүүлсэн гэж мэдэгдсэн боловч, дансанд дүн нь орж ирээгүй байгаа үед. Энэ тохиолдолд эхлээд чатаар худалдан авагчтай холбогдож, гүйлгээгээ шалгахыг хүсэх хэрэгтэй байдаг. Гэхдээ хэрэв чатлаад ч үр дүнд хүрэхгүй бол, хүсэлт гаргах нь зүйтэй.
3. Төлбөрийг гуравдагч этгээдээс хүлээн авсан бол, шууд Appeal гаргаарай. Худалдан авагчийн нэр, дансны дугаар зэрэг мэдээлэл нь ямарваа 1 хэлбэрээр зөрүүтэй байвал, үүнийг дүрэм зөрчсөн үйлдэлд тооцож, хөрөнгөө илгээхээс татгалзах, гүйлгээг цуцлах нь зөв юм.
4. Байнансын P2P арилжааны платформоос гадуур эсвэл сонгож тохируулснаас өөр төлбөрийн хэрэгслээр хүлээн авахыг гуйж, шаардах зэрэг бусад зүй бус үйлдлийг мөн заавал мэдэгдэж, таслан шийдвэрлүүлэх хэрэгтэй.

Худалдан авагч талаас Appeal хийх үндэслэл

1. Төлбөрийг нь шилжүүлчихээд байхад, худалдагч талаас хөрөнгийг шилжүүлэхгүй байгаа тохиолдолд. Гэхдээ урьдаар, харгалзах талтай чат болон утсаар нь холбогдож, шилжүүлгийн баримтаа үзүүлээд, учир байдлаа хэлж, шийдвэрлүүлэх гээд оролдоорой. Зарим гүйлгээ, сүлжээний ачааллаас шалтгаалж удаж болох тул бас хэсэг харзнахад гэмгүй. Хэрэв хариу өгөхгүй эсвэл хөрөнгийг тань шилжүүлэхээс татгалзаад байвал, Appeal хийх нь зөв.
2. Тохиролцсоноос илүү дүнг илгээсэн тохиолдолд, худалдагчтай холбоо тогтоож, зөрүүгээ буцаан авах нөхцлийг тохиролцох хэрэгтэй. Гэвч, холбоо тогтоох эсвэл тохиролцоонд хүрэх боломжгүй байвал Appeal хийх хэрэгтэй.
3. Байнансын P2P арилжааны платформоос өөр веб эсвэл апп, үйлчилгээгээр дамжуулан шилжүүлэх эсвэл сонгож тохируулснаас өөр төлбөрийн хэрэгслээр илгээхийг гуйж, шаардах зэрэг бусад зүй бус үйлдлийг мөн шууд Харилцагчийн үйлчилгээний ажилтанд мэдэгдэж, зохих арга хэмжээг авах нь зүйтэй байдаг.

Өргөдөл гаргах үед, баримт болох зураг, бичлэг, хуулга зэрэг материалыг заавал шаардах тул, эхлээд тэдгээрийгээ сайтар, гүйцэт бэлдэх хэрэгтэйн дээр, шалтгаанаа маш товч бөгөөд тодорхой бичих шаардлагатай. Appeal үүсч, бүртгэгдсэнээс хойш 2 талын хооронд хэлэлцээр хийж, шийдвэрт хүрэх 10 минутын хугацаатай дахин 1 боломжыг олгодог. Энэ хугацаанд асуудлаа шийдэж чадсан тохиолдолд хүсэлтээ шууд хааж болно. Харин шийдвэрлэж чадаагүй бол, Харилцагчийн үйлчилгээний ажилтан 2 талтай шуудангаар холбогдож, нөхцөл байдлын дүн шинжилгээг хийж, баримтуудыг цуглуулж эхэлнэ. Санамсаргүй алдаанаас болоод эсвэл хууртаад хүсэлтээ цуцалсан бол 5 минутын дараа 2 дахь удаагийн хүсэлтээ уламжлах боломжтой болдог.

Appeal хийж буй харилцагчдад өгөх зөвлөмж

1. Харилцагчийн үйлчилгээний ажилтныг төөрөгдөлд оруулах зүйлс хийхээс зайлсхий. Тодруулбал, шалтгаан, үүсээд буй нөхцөл байдлыг аль болохоор ойлгомжтой, цэгцтэй, товч гэхдээ тодорхой бич.
2. Баримтуудыг бүрэн, тод харагдахаар хадгалж аваад, хянагч ажилтанд хүлээлгэн өг. Ингэхдээ 2 талын хоорондын харилцан чатласан зурвасуудын Screenshot буюу Дэлгэцийн агшинг оролцуулахаас татгалз.
3. Ажилтанд асуудлыг дүгнээд, эргэн хариу өгөх хангалттай хугацааг олго. Энгийн нөхцөлд 24 - 48 цаг хүлээх боломжтой байдгыг ойлгож, хүлээцтэй хандаарай.
4. Харилцагч болон Хянагч ажилтануудын алинтай нь ч ёс бус үг хэллэг, соёлгүй бүдүүлэг байдлаар хандаж, харилцаж болохгүй.
5. Зөвхөн тусгайлан зааж өгсөн чатаар л харилц. Бусад сувгаар харилцах нь үл ойлголцлыг нэмэгдүүлж, маргааныг даамжруулах эрсдэлтэйг анхаар.

#CoinMarketCap

coinmarketcap.com

Facebook

Twitter

Telegram #1

Telegram #2

Instagram

iOS app

Android app

Reddit

Airdrop буюу зарлагдсан байгаа хаялага/түгээлтүүд

Learn & Earn буюу Суралцаад, мөнгө олох хөтөлбөр

Portfolio буюу хөрөнгө оруулсан төслүүдийн багц

Watchlist буюу ажиглаж буй хөрөнгийн жагсаалт

Diamond Reward буюу үнэнч хэрэглэгчийн урамшуулал

Манай блог дээрх CMC-ийн танилцуулга нийтлэл

Appeal-тэй холбоотой түгээмэл асуугддаг асуулт, хариулт

Худалдан авагчийн илгээсэн дүн зөрүүтэй байвал яах вэ?

Илгээсэн дүн нь тохиролцсоноос бага байхад Confirm Payment буюу захиалгыг гүйцэлдүүлсэн сонголтыг хийсэн бол, худалдан авагчтай дахин холбогдож, үлдэгдлийг шаардах эрхтэй. 24 цагийн хугацаанд хүлээгээд хариу өгөөгүй эсвэл үлдэгдэл дүнг шилжүүлээгүй бол мөнгийг нь эргүүлэн шилжүүлээд, захиалгыг цуцлах ёстой. Ингэхдээ чатаар харилцахыг эрхэмлэх ба холбоо тогтоох боломжгүй байвал, Appeal хийж болно.

Төлбөрөө шилжүүлсэн хэдий ч, төлсөн гэж бүртгүүлэлгүй орхисноос болоод, захиалгын хугацаа дууссан бол яах вэ?

Харилцагчийн үйлчилгээний төвтэй холбогдоод, захиалгын дугаар болон төлбөрийг шилжүүлсэн баримтыг илгээ. Төлбөрийн баримт нь төлбөр тушаагчийн нэр, дансны дугаар, гүйлгээний дүн болон огноо зэрэг чухал мэдээллүүдийг заавал багтаасан байх ёстой. Ердийн үед Харилцагчийн үйлчилгээний төвөөс хүсэлтийн хариуг 24 - 48 цагийн дотор илгээдэг тул, энэ хугацаанд давхардуулан хүсэлт илгээхээс зайлсхийхийг хичээгээрэй.

Бүртгэлтэй бус, өөр данснаас мөнгө шилжүүлсэн байвал яах вэ?

Бүртгэл дээрх мэдээллээс ондоо дансаар гүйлгээ орж ирсэн бол тухайн захиалгыг шууд Appeal хий. Ингэхдээ мөнгийг нь буцааж шилжүүлээд, орлого болон зарлагын гүйлгээний баримтыг өргөдөлдөө хавсаргаснаар, гүйлгээг цуцлах ажиллагааг элдэв хүндрэлгүй гүйцэтгэх боломжтой болно.

Appeal хийсний дараа төлбөр нь ороод ирсэн бол яах вэ?

Харилцагч талтайгаа холбогдож, Appeal-ийг цуцлахаар тохиролц. Эхэлж Appeal хийсэн тал шууд цуцлах боломжтой, бусад тохиолдолд Харилцагчийн үйлчилгээний ажилтнаар дамжуулан цуцлуулж болно.

Харилцагчийн үйлчилгээний ажилтан Appeal-д хариу өгөх хүртэл хэр удаан хүлээх хэрэгтэй болдог вэ?

Хэвийн үед, 24 - 48 цагт багтаан эргэн холбогдох болно.

Харилцагчийн үйлчилгээний төв, хэрэглэгчидтэйгээ ямар аргаар холбогддог вэ?

Бүртгэлтэй ц-шуудангын хаягаар холбоо барьдаг.

Уг нийтлэл болон манай БЛОГ танд таалагдсан бол манай Facebook хуудас болон Twitter хуудас дээр биднийг дагаарай!

Баярлалаа!

Төстэй нийтлэлүүд

Share this post

Subscribe Our Newsletter