Уг сэдвийг "Крипто тайлбар толь" цуврал нийтлэлийн 2-р дугаарт товчхон танилцуулсан байгаа бөгөөд арай "нуршуу" тайлбар хайж байвал энэ нийтлэл Таньд яг тохирно.
Компьютер болон харилцаа холбооны хүрээнд бол, node буюу зангилаа гэдэг нь тухайн сүлжээнд холбогдсон нэгж (хэрэглэгч, төхөөрөмж) юм.
Сүлжээний хувьд, зангилаа нь зурвасыг илгээгч, дамжуулагч, хүлээн авагч цэгүүд нь байдаг.
Биткойнын зангилаа
P2P сүлжээгээр холбогдсон нь төвлөрсөн бус хэлбэрийн, Блокчэйн технологид суурилсан, цахим мөнгөний төрлийг үүсгэх боломжыг нь бүрдүүлж өгсөн. Ийм хэлбэрийн сүлжээнд дундын зуучлагч, удирдан чиглүүлэгч, хянан зохицуулагч гэсэн ойлголт байхгүй тул, тухайн сүлжээнд холбогдсон нэгж бүр тэдгээрийн үүргийг гүйцэтгэх шаардлагатай тулгарна.
Ингэхдээ, тухайн зангилаа бүр өөрсдийн боломж, чадамж, сонирхлоороо сүлжээнд холбогдох боломжтой байх ба түүнээс нь хамааруулж өөр өөр төрлүүдэд ангилж болно.
Бүхэл зангилаа
Full node буюу бүхэл зангилааг урьдах нийтлэлүүд дээрээ өчнөөн тайлбарласан байгаа тул, уншигч нар маань одоо хангалттай мэдээлэлтэй болсон байгаа байх.
Эдгээр баталгаажуулагчийн үүрэгтэй зангилаанууд дээр Блокчэйн тэр чигээрээ, эсвэл хураангуйлсан хэлбэрээр хадгалагдаж байдаг ба энэ төрлийн зангилааг ачааллуулах олон арга байгаагаас, хамгийн түгээмэл хэрэглэгддэг нь Bitcoin core буюу Биткойнын цөм гэх програмыг ажиллуулах явдал юм.
Уг програм нь дараах техникийн үзүүлэлтийг шаарддаг.
Төхөөрөмж
Суурин болон зөөврийн компьютер
Үйлдлийн систем
Windows, Mac OS X, Linux
Багтаамж
200 Gb сул зай (HDD/SSD)
Санах ой
2 Gb (RAM)
Интернэт холболт
Дор хаяж 50 kB/s хурдтай байх
Интернэт хэрэглээ
Сард дунджаар 20 Gb татаж, 200 Gb илгээнэ гэж тооцох (Эхний сард ~200 Gb татахыг анхаараарай)
Цахилгааны зардал
Өдөр бүр хамгийн багадаа 6 цаг тасралтгүй ажиллах шаардлагатай гэдгийг тооцоорой, 24/7 ажиллавал сайн.
Энэ төрөлд Тандагч зангилаа + Нуугдмал зангилаануудыг хамруулж тоолдог. Нуугдмал зангилаа нь Бүхэл зангилаатай адил боловч, бусад зангилаатай холбогдохоос зайлсхийж, интернэт дэх төлвөө нууцалж байдаг төрөл юм.
Тандагч зангилаа
Listening node буюу Тандагч зангилаа (super node буюу супер зангилаа ч гэх нь бий) гэдэг нь нийтэд ил, бүхэл зангилаанууд юм. Энэ төрлийн зангилаа нь холбогдож мэдээлэл солилцохыг хүссэн бусад бүх төрлийн зангилаанд нээлттэй байдаг тул сүлжээний гол эх сурвалж болоод зангилаануудыг холбогчийн үүргийг хослуулан гүйцэтгэдэг.
Олборлогч зангилаа
Олборлогч төхөөрөмжүүд нь энэхүү Miners' nodes ангилалд хамаарна. Санд нэгдсэн, эсвэл дангаар олборлож байгаа ялгаагүй, мөн түүнчлэн, тусгай зориулалтын төхөөрөмж хэрэглэж байна уу, энгийн төхөөрөмж хэрэглэж байна уу хамаарахгүй буюу олборлох ажилд оролцож л байгаа бол энэ төрлийн зангилаанд тооцогдоно.
Цомхон зангилаа
Хэтэвчнүүд. Lightweight төрлийн зангилаанууд нь харгалзах блокынхоо мэдээллийг татаж харуулах, өгөгдөл илгээх л үүрэг гүйцэтгэдэг. Тийм ч учраас, сүлжээний аюулгүй байдлыг хамгаалах үүрэггүй буюу Блокчэйнийг өөр дээрээ хадгалах шаардлага байхгүй.
Уг нийтлэл болон манай БЛОГ танд таалагдсан бол манай Fb хуудас болон twitter хуудас дээр биднийг дагаарай!
Баярлалаа!
Төстэй нийтлэлүүд
Subscribe Our Newsletter
0 Response to "Node гэж юу вэ?"
Post a Comment
САНАМЖ: Зочдын үлдээсэн сэтгэгдэлд уг блогын админ(ууд) хариуцлага хүлээхгүй бөгөөд нэргүй (unknown) зочдын сэтгэгдэлд хариулт өгөхгүйг анхаарна уу.