Нүүр
Crypto

Ledger Nano S

Ledger брэндийн Nano S загварын төхөөрөмжин хэтэвчийг танилцуулж байна.

Энгийн USB Flash Disk-г санагдуулам загвартай, хэмжээ багатай, энэ төхөөрөмжин хэтэвч, тохируулах, ашиглахад дэндүү гэмээр амархан учир, крипто валютийг шинээр сонирхогч ч ашиглах боломжтой. Хэтэвчин дээрх хөрөнгөө зохион байгуулахад, Ledger Live үйлчилгээ туслах ба, уг үйлчилгээг интернэт холбогдож чадах дурын төхөөрөмжөөс хандан авч болохоос гадна, Android системтэй ухаалаг утсанд зориулсан хэрэглүүр ч бий. Уг хэтэвчийг, On the Go (OTG) буюу зам зуурт ашиглах боломжтой USB утсаар холбож хэрэглэх бөгөөд, хайрцгандаа харгалзах, Micro-USB - USB холболтоо багтаасан байдаг.


Техник үзүүлэлт

Хэмжээ, харьцаа (см-р)

5.695 x 1.74 x 0.91

Жин (гр-р)

16.2

Дэлгэц

OLED

Өгөгдлийн оролт, удирдлага

2 товч

Холболт

Micro-USB

Зайгаар ажиллах/эсэх

Байхгүй

Дэмжих зоос/токен

1'800+

GitHub

/LedgerHQ

Нийцтэй байдал

ARM-с бусад CPU-тэй, 64 бит системтэй компьютер (Windows 8+, macOS 10.8+, Linux) болон Android 7+ үйлдлийн системтэй ухаалаг утсууд


Ledger Live нь, хөрөнгөө удирдах, хянах бүхий л цэс, боломжуудыг агуулсны дээр, SegWit шилжүүлэг, биржтэй холбох тохируулгын сонголтууд, өргөтгөсөн ил түлхүүрийг (.xpub өргөтгөлтэйгээр) экспортлох зэрэг үйлчилгээг санал болгодгооро бусад төхөөрөмжин хэтэвчүүдээс давуу талтай. Түүгээр зогсохгүй Ledger Nano S загвар нь, Binance DEX-тэй шууд холбох боломжтойгоор тохируулагдсан байдаг. Гэхдээ зарим токенуудыг, заавал өөр хэтэвчээс хандаж байж зохион байгуулах боломжтой байдгыг анхаарууштай.

Энэ хэтэвчийн хамгийн том дутагдлаар, түүний санах ойг нэрлэж болно. Крипто валютаа шилжүүлэхийн тулд, заавал туслах хэрэглүүрийг нь суулгаж ашиглах шаардлагатай учир, цуглуулган дахь токенуудаасаа хамаарч, 1-ээс олон ийм аппыг суулгах шаардлагатай тулгарч болох юм. Гэхдээ, тэдгээр аппуудаа устгах эсвэл нэвтэрч чадахгүй болох, алдах үед, хөрөнгөө алдах эрсдэл байхгүй нь сайхан. 

#CoinMarketCap


Хэтэвчийн давуу болон сул талууд

Давуу

  1. Бараг бүх том Блокчэйнүүд, тэдгээр дээрх токенуудыг дэмжинэ. Жагсаалтыг нь ЭНД-ээс хараарай.
  2. 50+ хэтэвчтэй чөлөөтэй холбогдож ажиллах боломжтой. Тэдгээрийн нэрсийг ЭНД-ээс харж болно.
  3. Хэрэглэхэд маш хялбар.
  4. Зоос/токен нэмэхэд амархан.
  5. Цөөнгүй хэл дээр орчуулагдсан тул мэддэг хэл дээрээ ашиглах боломжтой.
  6. Боломжын үнэтэй.
  7. Багагүй хугацааг үзсэн туршлагатай байгууллагын бүтээл бөгөөд, нийт 3 сая гаруй хувь борлуулагдсан амжилтыг үзүүлээд байгаа.

Дутагдалтай

  1. Суулгаж болох хэрэглүүрийн тоо хэмжээний хязгаар маш бага.
  2. Ledger Nano X-тэй харьцуулахад, зам зуур хэрэглэхэд төвөгтэй.
ЖИЧ: Уг нийтлэлийн зурган дээр, Ledger Nano X-г харуулсан байгаа, Ledger Nano S нь түүнийг бодвол их биеийн болон дэлгэцийн хэмжээгээр харьцангуй жижиг байдаг.


Хайрцганд дагалдах зүйлс

  1. Ledger Nano S;
  2. USB утас;
  3. Нууц үгээ (Үр үгс, PIN код) бичиж, хадгалахад зориулсан 3 ширхэг хуудас.


Уг нийтлэл болон манай БЛОГ танд таалагдсан бол манай Fb хуудас болон twitter хуудас дээр биднийг дагаарай!

Баярлалаа!