Нүүр
Crypto

Ledger Nano X

Ledger брэндийн Nano X загварын төхөөрөмжин хэтэвчийг танилцуулж байна.

Энгийн USB Flash Disk-г санагдуулам загвартай, хэмжээ багатай, энэ төхөөрөмжин хэтэвч, тохируулах, ашиглахад дэндүү гэмээр амархан учир, крипто валютийг шинээр сонирхогч ч ашиглах боломжтой. Хэтэвчин дээрх хөрөнгөө зохион байгуулахад, Ledger Live үйлчилгээ туслах ба, уг үйлчилгээг интернэт холбогдож чадах дурын төхөөрөмжөөс хандан авч болохоос гадна, Android үйлдлийн системтэй ухаалаг утсанд зориулсан хэрэглүүр ч бий. Уг хэтэвч нь, өөр дээрээ цэнэгээ 8 цаг барих, 5 жил найдвартай ажиллах Лити-Ион цэнэг хураагуур буюу зай, USB-C холболттойгоос гадна, Ledger Nano S загвартай харьцуулахад том дэлгэц, товчлуурын оновчтой байршлыг сонгож өгсөн зэргээрээ давуу талтай. Анхны тохируулга нь, криптог анхлан сонирхогч ч ойлгоод гүйцэтгэчихээр хялбар санагдсан.


Техник үзүүлэлт

Хэмжээ, харьцаа (см-р)

7.2 x 1.86 x 1.18

Жин (гр-р)

34

Дэлгэц

128 x 64 OLED

Өгөгдлийн оролт, удирдлага

2 товч

Холболт

USB-C, Bluetooth

Зайгаар ажиллах/эсэх

100 мАц

Дэмжих зоос/токен

1'800+

GitHub

/LedgerHQ

Нийцтэй байдал

ARM-с бусад CPU-тэй, 64 бит системтэй компьютер (Windows 8+, macOS 10.8+, Linux) болон Android 7+, iOS 9+ үйлдлийн системтэй ухаалаг утсууд


Ledger Live нь, хөрөнгөө удирдах, хянах бүхий л цэс, боломжуудыг агуулсны дээр, SegWit шилжүүлэг, биржтэй холбох тохируулгын сонголтууд, өргөтгөсөн ил түлхүүрийг (.xpub өргөтгөлтэйгээр) экспортлох зэрэг үйлчилгээг санал болгодгооро бусад төхөөрөмжин хэтэвчүүдээс давуу талтай. Түүгээр зогсохгүй Ledger Nano S загвар нь, Binance DEX-тэй шууд холбох боломжтойгоор тохируулагдсан байдаг. Гэхдээ зарим токенуудыг, заавал өөр хэтэвчээс хандаж байж зохион байгуулах боломжтой байдгыг анхаарууштай.

Энэ хэтэвч нь, Ledger Nano S загварын багтаамжын дутагдлыг нөхсөн онцлогтой. Тодруулбал, 100 хүртэлх тооны аппуудыг багтаах чадвар нь, хөрөнгийн төрөлжүүлэлт гүйцэтгэхэд таатай нөхцлийг бүрдүүлж өгч чаджээ.

#CoinMarketCap


Хэтэвчийн давуу болон сул талууд

Давуу

  1. Бараг бүх том Блокчэйнүүд, тэдгээр дээрх токенуудыг дэмжинэ. Жагсаалтыг нь ЭНД-ээс хараарай.
  2. 50+ хэтэвчтэй чөлөөтэй холбогдож ажиллах боломжтой. Тэдгээрийн нэрсийг ЭНД-ээс харж болно.
  3. Өөр дээрээ цэнэг хураана.
  4. Ухаалаг утас, таблеттай холбогдож ажиллах боломжтой.
  5. Хэрэглэхэд маш хялбар.
  6. Зоос/токен нэмэх ажиллагаа амар бөгөөд хурдан.
  7. Цөөнгүй хэл дээр орчуулагдсан тул мэддэг хэл дээрээ ашиглах боломжтой.
  8. Багагүй хугацааг үзсэн туршлагатай байгууллагын бүтээл.

Дутагдалтай

  1. Bluetooth холболт нь, аюулгүй байдал талаас анхаарахуйц асуудлыг үүсгэж болзошгүй. Гэхдээ, үйлдвэрлэгчийн хийсэн мэдэгдлийн дагуу бол, үүгээр чухал мэдээллүүдийг (үр үгс болон хувийн түлхүүр) дамжуулах боломжгүй гэх. Тус мэдэгдлийг нь, ЭНД-ээс уншиж болно.


Хайрцганд дагалдах зүйлс

  1. Ledger Nano X;
  2. USB-C холбогч утас;
  3. Нууц үгээ (Үр үгс, PIN код) бичиж, хадгалахад зориулсан 3 ширхэг хуудас.
  4. Гарын авлага.
  5. Түлхүүрийн оосор.


Уг нийтлэл болон манай БЛОГ танд таалагдсан бол манай Fb хуудас болон twitter хуудас дээр биднийг дагаарай!

Баярлалаа!