Байнанс дээр 2FA идэвхжүүлж, хэрэглэх заавар

Хэрэглэгчийн бүртгэл, түүнд хандах нууц үг, хувийн мэдээллийг олж авахын тулд, халдлага үйлдэгчид башир аргыг үй олноор сэдэн, хэрэгжүүлж байдаг. Хэрэглэгчийн мэдлэг туршлага, анхаарал сэрэмжтэй байдал хэр ч өндөр байсан, хүн л болсон хойно алдаж эндэх боломжтой. Тиймээс орчин үед заавал 2, 3, бүр 4 давхар шийдлийг цогцоор нь тохируулж ашиглах хэрэгтэй.

Энэхүү нийтлэлийг бүрэн гүйцэт ойлгохын тулд эхлээд ЭНД дараад, "2FA" гэж юу болох, ямар хэрэгтэй вэ гэдгийг уншиж судлаарай.

2FA нь, 2 шатлалт баталгаажуулалт гэсэн англи үгний товчлол бөгөөд, энгийнээр бол хамгаалалтын нэмэлт давхарга болж өгдөг. Түүнийг дотор нь дараах 3 төрлөөр ангилна. Үүнд:

Хэрэглэгчийн мэдлэгт суурилсан (нууц үг, PIN код гэх мэт);
Хэрэглэгчийн мэдэлд хамаарсан (Ухаалаг гар утас, тусгай төхөөрөмжин түлхүүр гэх мэт);
Хэрэглэгчийн биеийн давтагдашгүй онцлогт суурилсан (хурууны хээ, нүдний хээ, нүүр царай, дуу хоолой, ДНХ гэх мэт).

2FA-ыг идэвхжүүлж хэрэглэхийн тулд, дор хаяж 2 төрлийн түгжих/тайлах аргыг нь хослуулан тохируулж ашиглах шаардлагатай байдаг. Байнансын хувьд, дараах төрлүүдийг ашиглах нөхцлийг нь бүрдүүлж өгжээ. Үүнд:

YubiKey мэтийн төхөөрөмжин түлхүүр - Үүний талаарх танилцуулга, зааврыг удахгүй хүргэхээр төлөвлөсөн байгаа;
Binance Authenticator - Уг хэрэглүүрийн танилцуулга, тохируулж ашиглах зааврыг мөн дараа дараагийн нийтлэлээрээ танилцуулах болно оо;
Google Authenticator - Хэрэв Та манай "2FA гэж юу вэ?" нийтлэлийг уншсан бол үүний талаар хангалттай мэдээллийг авсан байх учиртай. Бидний зүгээс, үүний оронд Microsoft-н хөгжүүлдэг Authenticator-г хэрэглэхийг санал болгодог ба шалтгааныг нь мөн дээрх нийтлэлээс уншиж болно;
Утас буюу SMS - Зурвасаар 1 удаагийн код хүлээн авч ашиглах энэ арга хамгийн түгээмэл хэрэглэгддэг бол, мэдэхгүй хүн бараг байхгүй болов уу.
Ц-шуудан - 2FA төрлүүд дундаа хамгийн анхны энэ хэлбэрийг одоо ч хэрэглэсээр л байна.

Энэхүү заавартаа бид, хамгийн хялбар, хурдан бөгөөд найдвартай аргууд болох SMS, Google Authenticator 2-ыг жишээ зурагтайгаар тохируулж үзүүлэх болно.

SMS 2FA-ыг идэвхжүүлэх зааврыг ДАЛДЛАХ

Анх бүртгүүлж байхдаа л утасны дугаараа холбож, баталгаажуулж болдог бөгөөд бүртгэлрүүгээ нэвтрэх гэж оролдох бүртээ гар утсан дээрээ тухайн 1 удаад ашиглах, тодорхой хугацаанд л хүчин төгөлдөр үйлчлэх 6 оронтой кодыг хүлээн авч, ашиглаж болно.

Давуу талууд

Ойлгомжтой, хялбар, хурдан.
Нэмэлт апп татаж суулгах шаардлагагүй.
Компьютер зэрэг өөр төхөөрөмж дээрээс нэвтэрч байгаа үед, код хүлээн төхөөрөмж дээр интернэт холболт шаардагдахгүй.
Кодын хүчинтэй хугацаа боломжын урт.

Сул талууд

Утас нь сүлжээтэй байх шаардлагатай.
Нууцлал, хамгаалалтгүй SMS болон гар утсанд өөр хүн хандахад хялбар байдаг.
SIM хувилж, ашиглах гэмт хэрэгт өртөх боломжтой (одоохондоо Монголд хараахан дэлгэрээгүй байгаа ч, орж ирэхийг үгүйсгэх аргагүй юм)

1. Бүртгэлээрээ нэвтэрч ороод, Profile буюу хувийн бүртгэл цэс дэх Security буюу аюулгүй байдлын цонхонд ханд.

2. SMS Authentication буюу зурвасын баталгаажуулалтын цэсэнд харгалзах ON буюу идэвхжүүлэх товчийг дар.

3. On дараад ормогц, хамгийн эхэнд улс сонгох болон утасны дугаар оруулах талбар харагдана. Улсаа сонгоод, дугаараа оруулсны дараа, 2 дахь мөрөнд байрлах SMS Verification Code талбарын харалдаа байрших Send Code буюу код илгээх товчийг дар.

Мессэжээр ирсэн кодыг уг талбарт оруулаад, ц-шуудан гэх мэт, тухайн үед идэвхжүүлсэн байгаа бусад сувгаар мөн тус тусын кодыг нь хүлээн авч, харгалзах талбаруудад нь оруулна. Бүгдийг нь зохих талбаруудад нь оруулж дууссан бол хүчинтэй хугацаа нь дуусахаас өмнө Submit буюу хадгалах товчийг дараарай.

Бүх код алдаагүй, бүрэн орсон бол, SMS 2FA идэвхжиж, доорх байдлаар харагдана.

SMS 2FA-ыг цуцлах тохиолдолд, харгалзах Disable буюу идэвхгүйжүүлэх товчийг нь дарж, дээрхийн адилаар бүх сувгаар кодуудыг хүлээн авч, оруулаад хадгалахад л болно.

Google Authenticator идэвхжүүлэх зааврыг ХАРАХ

30 секунд тутам солигдох, 6 орон тоо нь, тухайн хугацаандаа л хүчин төгөлдөр байдаг тул, тааж олох боломжгүйгээр загварчлагдсан, аюулгүй байдлын сайжруулалт юм.

Давуу талууд

Найдвартай хамгаалалтыг бий болгодог.
Интернэт болон утасны сүлжээ зэрэг ямар ч холболт огт шаардахгүй.

Сул талууд

Өөр төхөөрөмжөөр нэвтрэх үед ч, Authenticator суулгасан төхөөрөмжөө биедээ байлгаж, ашиглах шаардлагатай.

1. Бүртгэлээрээ нэвтэрч ороод, Profile буюу хувийн бүртгэл цэс дэх Security буюу аюулгүй байдлын цонхонд ханд.

2. Google Authentication талбарт харгалзах On буюу идэвхжүүлэх товчийг дар.

3. Authenticator апп татаж суулгаагүй байгаа бол эндээс шууд Google Authenticator татах холбоосоор нь ороод, татаад авч болно. Суулгасан байгаа бол түүнийгээ нээгээд, шинэ бүртгэл нэмэх цэсэнд нь ханд.

Android

iOS

Гэхдээ бидний зүгээс Google бус, Microsoft-н Authenticator-г суулгахыг зөвлөдөг. Түүнийг суулгахыг хүсвэл доорх холбоосуудад хандаарай.

Android

iOS

4. Next буюу үргэлжлүүлэх дарж, 2 дахь алхамруу шилжсэний дараа Authenticator-н шинэ хаяг холбох цэсээр хандаж, QR кодыг уншуулна. Эсвэл түүний хажууд харагдаж буй кодыг гараар шивж оруулж болно.

ЖИЧ: Дээрх зурагт Google-н Authenticator дээр хаяг холбох сонголтыг харуулсан бөгөөд, Microsoft-н хэрэглүүрийг ашиглаж байгаа бол, цэс нь үүнээс өөр тайлбар, зурагтайгаар, ондоо газар байршсан байж болно.

5. Дахин Next дарж, 3-р шатруу орох үед, Authenticator-д эсвэл үүнийг суулгасан утсаа ашиглах боломжгүй болсон үед, сэргээхэд ашиглах код гарч ирэх ба түүнийг сайтар хадгалж авна. Authenticator суулгасан байгаа төхөөрөмж дээрээ хадгалахаас зайлсхий, болж өгвөл гараар бичээд, гялгар уут, скоч, ламинатор зэргээр хамгаалаад сейфэнд хадгал.

6. Сэргээх кодоо хадгалаад авчихсан бол, Next дарж, 4-р шатанд 2FA баталгаажуулалт(ууд)аа хийнэ. Хичнээн хамгаалалт идэвхжүүлсэн байгаагаас хамаарч, тус бүр дээр нь код авч хийх тул, доорх зурагт харуулснаас өөр буюу цөөн талбартай байж болно.

Эцэст нь Submit дарж хадгалаад, ажиллагааг өндөрлөхөд аюулгүй байдлын тохиргооны цонх доорх байдлаар харагдана.

#CoinMarketCap

Веб: coinmarketcap.com

Facebook

Twitter

Telegram #1

Telegram #2

Instagram

iOS app

Android app

Reddit

Airdrop буюу зарлагдсан байгаа хаялага/түгээлтүүд

Learn & Earn буюу Суралцаад, хожих хөтөлбөр

Portfolio буюу хөрөнгө оруулсан төслүүдийн багц

Watchlist буюу ажиглаж буй хөрөнгийн жагсаалт

Diamond Reward буюу үнэнч хэрэглэгчийн урамшуулал

Манай блог дээрх CMC-ийн танилцуулга нийтлэл

Анхаарах зүйлс

Олон 2FA идэвхжүүлсэн байгаа үед, зарлага, тохиргоо өөрчлөх зэрэг бүхий л үйлдэлд, тухай бүрт тэдгээр дээр бүгдэнд нь код авах шаардлагатай болохыг анхаараарай. Түүнчлэн, тэдгээр кодууд дундаас Authenticator-ын кодын хүчинтэй хугацаа хамгийн бага байдаг тул, түүнийг хамгийн сүүлд оруулж байх хэрэгтэй.