Байнанс дээр хөшүүрэгт арилжаа хийх заавар

Юуны түрүүнд хөшүүрэгт арилжаа гэж юу болох, ямар эрсдэлтэйг сайтар судалж, ойлгосон байх хэрэгтэй бөгөөд, зохих хэмжээнд эрсдлийн зохицуулалтаа гүйцэтгээд, алдаж чадах хөрөнгөөрөө л арилжаанд орно уу. Таны гаргасан шийдвэрт, Таны өмнөөс өөр хэн ч хариуцлага хүлээхгүй тул, бүрэн гүйцэт ойлгоогүй эсвэл хангалттай бэлтгэлгүй үедээ яаран шийдвэр гаргахаас зайлсхийгээрэй.

Биржийн танилцуулга

Шууд БҮРТГҮҮЛЭХ

Бүртгүүлэх болон бүртгэлээ баталгаажуулах заавар

Байнас дээр Margin арилжааны данс нээх зааврыг ДАЛДЛАХ

Бүртгэлээрээ нэвтэрч орсны дараа, хэрэглэгчийн буланруугаа хандаад, удирдлагын самбарлуугаа зочил. Margin trading буюу хөшүүрэгт арилжаа гэж юу болохыг ЭНД-ээс уншиж болно.

Тэндээс, Balance Details буюу дансны дэлгэрэнгүй хуулгад хамаарах Margin цэсээр эсвэл үндсэн цэс дэх Wallet буюу хэтэвч сонголтоор орж, Margin дансруугаа хандаж болно. Хөшүүрэгт арилжаанд оролцохын тулд, KYC баталгаажуулж, 2FA идэвжүүлсэн байх шаардлагатайгаас гадна, оршин суугаа улс нь хориглогдсон жагсаалтанд бүртгэгдээгүй байх ёстой. Хэрэг болох холбоосуудыг доор нийтлэв.

Бирж дээрх бүртгэлийн аюулгүй байдал

Биржрүү орлого татах заавар

Байнанс дээр 2FA идэвхжүүлэх заавар

Байнанс Доллар (BUSD)

Бусад

Гарч ирэх талбар дээрх анхааруулгыг сайтар уншаад, ойлгож бас зөвшөөрч байвал Open margin account товчийг дарж, хөшүүрэгт арилжааны дансыг нээж болно. Ингэхдээ Margin account agreement буюу хөшүүрэгт арилжааны дансыг хэрэглэх нөхцөлтэй танилцаад, зөвшөөрч байвал, I understand дараарай.

Данс хооронд хөрөнгө шилжүүлэх зааврыг ХАРАХ

Хөшүүрэгт арилжааны данс нээгдсэний дараа, Wallet буюу хэтэвч цэс дэх Margin сонголтоор ороод, Transfer буюу шилжүүлэх товчийг эсвэл сонгосон криптод харгалзах холбоосыг дарна.

Тэгээд, ямар зоос/токенийг шилжүүлэхээ сонгоно. Энэ зааврын жишээнд BNB-г шилжүүлж үзүүлэв.

Криптогоо сонгосны дараа, тоо хэмжээгээ оруулаад, Confirm transfer дараад, шилжүүлгийг хэрэгжүүлээрэй.

Хөрөнгө зээлэх зааврыг ХАРАХ

Дээрх жишээний дагуу үргэлжүүлэн тайлбарлая. BNB-оо шилжүүлж авсны дараагаар, тэдгээрийгээ барьцаа хөрөнгө болгон ашиглах боломжтой болох бөгөөд, түүний хэмжээнээс хамаарч, хэр их хөрөнгө зээлдэж хэрэглэж болдог. Жишээлбэл, 5:1 харьцаатай буюу 5х хөшүүрэгтэй арилжаанд орлоо гэж үзвэл, 5 BNB-оороо 20 BNB зээлж аваад, нийт 25 BNB-оор арилжаа хийх боломжтой юм. Мөн BNB-оо барьцаалаад, BTC зэрэг биржээс зөвшөөрсөн бусад хослолоор зээлдэж болно. Жишээнд 0.02 BTC зээлдэж авч буй явцыг харуулав.

Авах дүнгээ оруулахдаа, авч болох дээд хэмжээ, хүүгийн хэмжээ зэрэг мэдээлэлтэй гүйцэт танилцаад, хүлээн зөвшөөрч байвал, Confirm borrow дараад, зээл авч болно.

Зээлж авсан хөрөнгө тань Margin Wallet буюу хөшүүрэгт арилжааны хэтэвчинд байрших ба, хүүгийн хэмжээ, цаг тутамд өөрчлөгдөж байдгыг мартаж болохгүй. Яг одоо хүлээн зөвшөөрөгдсөн байгаа хослолууд болон тэдгээрийн хүүгийн хэмжээг ЭНД-ээс шууд харж болно. Мөн, өөрийн хөшүүрэгт арилжааны дансны өнөөгийн төлөв байдлыг, Wallet - Margin цэсээр орж харах боломжтой.

Хөшүүргийн түвшин

Цонхны дээд хэсэгт, хөшүүргийн түвшинг заагч самбар байрласан байх бөгөөд, түүн дээрээс зээлдсэн хөрөнгөтэй харьцах эрсдлийн түвшинг буюу нийт өрийн хэмжээг, барьцаа хөрөнгийн хамтаар харж болно.

Эрсдлийн түвшин нь, зах зээлийн чиг хандлага, хөдөлгөөнөөс хамаарч өөрчлөгдөж байх бөгөөд, таамаглалын эсрэг хөдөлж байгаа үед, барьцаа хөрөнгийг суутгаж болзошгүй тул, түвшинг буулгаж байдаг. Хүчээр ингэж хөрвүүлэгдэх үед, нэмэлт шимтгэлийг бас тушаах шаардлагатай тулгарахыг анхаараарай. Хөшүүргийн түвшинг тодорхойлох томъёог доор тодорхойлон харуулав.

Хөшүүргийн түвшин = Нийт хөрөнгийн үнэлгээ / (Нийт зээлдсэн хөрөнгө + Хуримтлагдсан нийт хүү)

Хэрэв хөшүүргийн түвшин 1.3-аас доош буурвал, Margin call буюу барьцаагаа нэмэх эсвэл зээлдсэн хөрөнгөө эргүүлэн төлөх хэрэгтэйг сануулсан мэдэгдлийг хүргүүлэх бөгөөд, 1.1 хүрэх үед, барьцааг хүчээр хөрвүүлнэ. Яг одоо нээлттэй байгаа төлвүүдээ хянаж, удирдахын тулд Positions буюу төлвүүд цэсээр орж болно. Хэрэв, төлвийнхөө ханшийн үзүүлэлтийг USDT-ээр харахыг хүсвэл цонхны баруун дээд булан дахь, USDT Benchmark сонголтыг идэвхжүүлээрэй.

#CoinMarketCap

Веб: coinmarketcap.com

Facebook

Twitter

Telegram #1

Telegram #2

Instagram

iOS app

Android app

Reddit

Airdrop буюу зарлагдсан байгаа хаялага/түгээлтүүд

Learn & Earn буюу Суралцаад, хожих хөтөлбөр

Portfolio буюу хөрөнгө оруулсан төслүүдийн багц

Watchlist буюу ажиглаж буй хөрөнгийн жагсаалт

Diamond Reward буюу үнэнч хэрэглэгчийн урамшуулал

Манай блог дээрх CMC-ийн танилцуулга нийтлэл

Арилжаанд оролцох зааврыг ХАРАХ

Зээлдэж авсан хөрөнгөөрөө арилжаанд оролцохыг хүсвэл, үндсэн цэс дэх Margin сонголтоор орж, нөхцөлт, зах зээлийн буюу шууд, SL, OCO зэрэг төрлийн захиалгыг оруулж болно. Энгийн арилжаатай нилээд төстэй зарчмаар ажиллах хэдий ч, хөшүүргээс хамаарч, дүн, шимтгэл бага зэрэг өөр байх тул тэдгээрийг сайтар анзаарч, тооцож байх хэрэгтэй байдаг. Байнанс дээрх хөшүүрэгт арилжааны самбарт анх удаагаа хандах үед, доор харуулсан танилцуулга, зааврыг харуулах бөгөөд, гүйцэт танилцсаны дараа Start the Quiz буюу сорил бөглөх товчийг дарж, мэдлэгээ батлах шаардлагатай.

Бүх асуултанд алдаагүй, зөв хариулсны дараа л хөшүүрэгт арилжаанд орох эрх үүснэ. Гэхдээ, алдсан үед тэдгээр асуултын зөв хариултыг харуулахаас гадна, дахин оролдоход хязгаар заадаггүй учир, санаа зовох зүйлгүй.

Зөв хариултуудыг илгээсний дараа, хэрэглэх нөхцөлтэй танилцах, танилцсанаа баталгаажуулах жижиг цонх нээгдэнэ.

Хэрэглэх нөхцдийг зөвшөөрсний дараа, арилжааны цонх бүрэн нээгдэх бөгөөд, энгийн арилжааны адилаар захиалгын төрөл, хөрөнгийн хослолоор арилжаа хийж болох боловч, хөшүүргийн хэмжээ болон төлвийн хэмжээгээ зөв тооцоолж, төлөвлөгөөгөө чанартай зохиож, хэрэгжүүлэх, эрсдлийн зохицуулалтын дагуу хөшүүргээ өөрчилж ашиглаарай. Гэхдээ, хөшүүрэгт арилжаа нь энгийн арилжааг бодвол, мэдлэг туршлага багагүй шаардахаас гадна эрсдэл өндөртэй байдгыг мартаж болохгүй. Эцсийн эцэст бүх сонголт, шийдвэр, хариуцлага зөвхөн Таны гарт байдаг юм шүү!

Эрсдлийн түвшингээ тогтмол хянаж, хүчээр хөрвүүлэгдэхээс сэргийлэх бүхий л арга хэмжээг авч хэвшээрэй.

Авсан зээлээ төлөх зааврыг ХАРАХ

Өрөө дарахдаа, Margin цэсрүү хандаж, тэндээсээ Repay товчийг эсвэл сонгосон хөрөнгийн харгалзах Borrow/Repay гэсэн холбоосыг дарж ороод, зээлсэн хөрөнгийн дүн дээр хүүг нэмж, нийт төлбөрийг тушаана.

ЖИЧ: Дээрх зурагт зөвхөн цонхны ерөнхий загварыг харуулсан бөгөөд, хараахан зээл аваагүй байгаа тул, дээрх зааврын бодит жишээ болж чадахгүй байж болно.

Хөрөнгөө буцааж шилжүүлэх зааврыг ХАРАХ

Margin Wallet буюу Хөшүүрэгт арилжааны хэтэвчээс хөрөнгөө энгийн арилжааны хэтэвчрүү буцааж шилжүүлэхдээ, Wallet цэс дэх Transfer товчийг ашиглана. Энэ ажиллагаа нь, дээр танилцуулсан данс хооронд шилжүүлэх заавартай яг адил гүйцтгэгдэх тул, түүнийг үзээд, дагаж гүйцэтгэж болно.

ЖИЧ: Дээрх зураг нь, энгийн арилжааны хэтэвчээс, хөшүүрэгт арилжааны хэтэвчрүү шилжүүлэх тохируулгатай байгаа тул, эсрэг чиглэлд хийх шилжүүлгийн үед, хэтэвчүүдийн байрыг сольж тохируулах ёстойг анхаараарай.

Байнанс бирж дээрх, данс хоорондын шилжүүлгүүд ямар ч шимтгэлгүй байдаг.

Уг нийтлэл болон манай БЛОГ танд таалагдсан бол манай Fb хуудас болон twitter хуудас дээр биднийг дагаарай!

Баярлалаа!

Төстэй нийтлэлүүд

Share this post

Subscribe Our Newsletter