Ronin Wallet нь, NFT тоглоомын хамгийн алдартай төсөл болох Axie Infinity-г хөгжүүлэн, нийтлэгч Sky Mavis-н уг тоглоомд зориулан бүтээсэн хэтэвч юм. Уг тоглоом нь Axie хэмээх NFT тэжээвэр амьтдыг цуглуулах, үржилд оруулах, хооронд нь тулалдуулах бас арилжих эсвэл солилцох боломжтой, Эфириум дээр хөгжүүлэгдсэн тоглоом байдаг бол, тус хэтэвч нь Эфириумд суурилсан дэд хэлхээ болох Ronin Blockchain дээр бүтээгдсэн, зардал хураамж багатай хэтэвч юм. Энэ хэтэвчийг мөн Ronin хэмээх Блокчэйн дээр нь хөгжүүлэгдсэн бусад NFT тоглоомуудад ашиглах боломжтой байдаг.
Товчхондоо, Axie Infinity-г Pokemon-оос сэдэвлэсэн, CryptoKitties гэж хэлж болно. Тус тоглоомд мөн, Axie-үүдээс гадна, виртуал газар, SLP зэрэг NFT-уудыг авч, зарж, дарж болох ба түүнд нь зориулсан тусгай зах хүртэл бий.
Тус хэтэвчийг ухаалаг утасны апп болон веб хөтөч буюу browser-ийн нэмэлт хэлбэрээр суулган ашиглах боломжтой. Татах холбоосуудыг дор жагсаав.
Энэхүү хэтэвч нь дан ганц Axie Infinity-д бус Ронин Блокчэйн дээрх бүхий л DApps-д хэрэглэгдэхээс гадна, Эфириумийн өндөр шимтгэлд санаа зоволтгүйгээр крипто валют болон NFT-ийг бусдад илгээж эсвэл хүлээн авч, хадгалж болно. Тус нийтлэлийг бичиж ахуй дор, энэхүү хэтэвч, дараах крипто валютуудыг дэмжиж байв. Үүнд:
AXS болон SLP нь ERC-20 загварын токенууд бөгөөд, өдөр тутмын даалгаварыг амжилттай гүйцэтгэх, бусад тоглогчидтой тулалдаж ялах зэрэг аргаар олж, цуглуулж болох, шинэ Axie бүтээхэд хэрэглэгддэг цахим хөрөнгүүд юм. Энэхүү нийтлэлийг бичиж байх үед, гэхдээ AXS нь үржүүлгийн хэрэглээнээс халагдаж, засаглалын эрх олгодог токен болон хувирсан байлаа. Түүгээр ч зогсохгүй, SLP-ийг Байнанс тэргүүтэй бирж дээр арилжаалж, тогтмол орлого олох боломж хэдийн бүрэлдсэн байв.
Ронин хэтэвч үүсгэх зааврыг ДАЛДЛАХ
Жишээндээ бид хөтчийн нэмэлтийг ашиглаж үзүүллээ. Хэрэв Та ухаалаг утасны апп ашиглаж байгаа бол доорх заавраас бага зэрэг ялгаатай байж болохыг анхаарна уу.
1. Өөрийн сонголтоор татаж суулгасан апп эсвэл хөтчийн нэмэлтийг ачааллуул/нээгээд Get Started товчийг дарж хэтэвч үүсгэх ажиллагааг эхлүүл.
2. Нээгдсэн цонхноос I’m new. Let’s get set up! сонголтыг хий. Хэрэв урьд нь хэтэвч үүсгэж байсан бөгөөд түүндээ хандах боломжтой байгаа бол I already have a secret recovery phrase. Import wallet. сонголтоор хуучин хэтэвчээ холбож болно.
3. Нууц үг шинээр зохиож оруулаад, доорх талбарт нь тэрхүү нууц үгээ давтан бичээд Create Account товчийг дар.
Хүчирхэг нууц үг зохиох, аюулгүй байдлаа зузаатгах цуврал зөвлөмжүүдийг доорх холбоосуудаас аваарай.
4. Далдлагдсан үр үгсээ Reveal Seed Phrase товчийг товшин гаргаж ирж харах боломжтой бөгөөд эдгээрийг хэтэвчээ сэргээж, дахин шинээр холбож тохируулах үед хэрэглэх тул сайтар тэмдэглэж, найдвартай газар хадгалж авах хэрэгтэй.
5. Хадгалж авсан үгсээ харгалзах талбарт нь зөв оноож оруулснаар хэтэвч үүснэ.
Юуны түрүүнд Ронин хэтэвч нь эзэмшлийн эрхтэй хэтэвч тул Таниас өөр хэн ч түүнд хандаж чадахгүй, ялангуяа дээрх үр үгсийг хадгалж аваагүй эсвэл гээгдүүлсэн тохиолдолд тухайн хэтэвчийг сэргээх ямар ч боломжгүй болохыг анхаараарай. Тиймээс, эдгээр үгсийг болж өгвөл 1-ээс олон хувилж, өөр хоорондоо хамааралгүй, гэхдээ найдвартай газруудад хадгалахыг хичээгээрэй.
6. Үүсгэгдсэн хэтэвчиндээ хандах үед дараах байдалтай харагдана.
Толгой хэсэгт бүртгэлийн дугаар, хэтэвчийн хаяг, түүний доор Assets цэсэнд хөрөнгүүдийн жагсаалт, үнийн дүнгийн хамтаар байршсан байх ба түүний хажууд орших Activities сонголтоор орж гүйлгээний түүхтэйгээ танилцах боломжтой байдаг. Энд ERC-20 токенууд болон ERC-721 загварын NFT-уудыг ангилан харуулсан байна.
Ронин хэтэвчээ холбож, Акси Инфинити бүртгэл үүсгэх зааврыг ХАРАХ
1. Axie Infinity дээр бүртгэл үүсгэхийн тулд, Axie Marketplace-д зочилж, хуудасны дээд хэсэгт байрлах Login буюу Нэвтрэх товч дээр дарах шаардлагатай.
2. Хэрэв Та дээрх заавраар Ронин хэтэвч үүсгэсэн бол энэ шатанд Login with Ronin Wallet сонголтыг хийгээрэй. Эсвэл хэдийн үүсгэсэн байгаа, эсвэл Ronin Wallet-ээс илүү гэж үзэж байвал MetaMask холбосон ч болно.
MetaMask болон ц-шуудан зэрэг бусад холбоотой мэдээлэл, зааврыг доорх холбоосуудаас авна уу.
3. Дээрх сонголтыг бататгаж хэтэвч дээр Confirm дарснаар холболт үүснэ.
4. Түүний дараагаар, Хязгааргүй Аксигийн бүртгэл дээрх хэрэглэгчийн нэр болон нууц үгээ тохируулаад Save дарж хадгалснаар бүртгүүлэх ажиллагаа өндөрлөнө.
Акси худалдаж авах зааврыг ХАРАХ
Юуны түрүүнд, Ronin Wallet дээр ETH дэмжигдэхгүй гэдгийг анхаарах хэрэгтэй. Гэхдээ түүний оронд Wrapped ETH (WETH) буюу Битүүмжлэгдсэн Эфирийг хэрэглэж болдог. Axie худалдаж авахын тулд хэтэвчиндээ зохих дүнгээр WETH байршуулсан байх хэрэгтэй бөгөөд тэгэхийн тулд дараах 2 аргын аль 1-ээр орлого байршуулж болно.
1. Хувийн хэтэвч (ETH) - Ronin Bridge - Ronin Wallet (WETH)
2. Binance (WETH) - Ronin Wallet (WETH)
Хэрэв аль хэдийн
Байнанс дээрх дансандаа
WETH хураачихсан байгаа бол, түүнийгээ
RON сүлжээгээр нь Ронин
хэтэвчрүүгээ шилжүүлээд авч болно. Энэ тохиолдолд хувийн
хэтэвчтэй байх шаардлагагүйгээс гадна,
Эфириумийн
хийн төлбөрөөс чөлөөлөгдөх давуу талтай ч,
Байнанс дээр
WETH-ийн
арилжааны хослолын сонголтууд нэвтрээгүй байгааг анхаарах нь зүйтэй болов уу. Тэгэхээр хэрэв дансанд тань бэлэн
WETH байхгүй, зөвхөн
ETH байгаа бол энэ сонголтыг хийх боломжгүй гэсэн үг.
Ронин хэтэвчинд WETH-ийн орлого амжилттай байршсан даруйд түүнийгээ Акси Инфинитигийн захтай холбоод бусад тоглогчдын зарж буй Аксигаас сонгож авах боломжтой болох юм.
Байнанс дээрээс Эфир (ETH) худалдаж авах зааврыг ХАРАХ
1. Байнанс бүртгэлээрээ нэвтэрч ороод, үндсэн цэс дэх Trade сонголтонд хандаж, гарч ирсэн дэд цэсээс Advanced горимыг идэвхжүүл.
2. Арилжааны хослолын сонголтуудаас өөрийн сонирхол, боломжинд нийцүүлэн сонго. Жишээндээ бид ETH/BUSD хослолыг ашигласан бөгөөд Та мөн адил хослол ашиглах бол ЭНД дараад харгалзах хуудсанд нь шууд хандаж болно.
3. Авахыг хүссэн хэмжээ болон захиалгын төрлөө (цаашлаад ханшийн дүнг) сонгож тохируулаад, Buy ETH товчийг дар. Гэхдээ эхлээд оруулсан дүнгүүдээ заавал дахин 1 нягтлаж байгаарай.
Ингээд, Байнанс дансандаа ETH-тэй болоод авсан юм чинь, одоо хэрхэн түүнийгээ Ronin Wallet-рүү татах заавартай танилцъя.
Эфирээ (ETH) Ронин гүүрээр дамнуулах зааврыг ХАРАХ
Дээр дурьдсанчлан, MetaMask, Binance Chain Wallet г.м. хэтэвчтэй байх шаардлагатай.
1. Байнанс биржийн үндсэн цэсний Wallet сонголт дахь, Fiat and Spot дэд цэсээр ор.
2. Ethereum-ийг хайж олоод, түүнд харгалзах Withdraw холбоост хандаж, хөрөнгөө гаргаж ав.
3. Орлого байршуулах, хувийн хэтэвчийнхээ Ethereum-ийн хаягийг хуулж, буулгах буюу оруулаад, Network буюу сүлжээгээ зөв (ERC-20) тохируулаарай.
4. Гүйлгээний мэдээллээ хянаад, Withdraw товчийг дарж таталтаа эхлүүл.
5. Гүйлгээ амжилттай биелэгдсэний дараа Ronin Bridge-ийн веб хуудсанд хандаж, Deposit буюу байршуулах товчийг дараад, хэтэвчээ холбо.
6. Түүний дараа, хэтэвчийн цонхыг нээж, холболтыг баталгаажуулах шаардлагатай.
7. Холболт амжилттай гүйцэтгэгдсэн даруйд доорх цонх нээгдэх бөгөөд энд Ронин хэтэвчийн хаягаа, Ronin Address талбарт зааж өгөөрэй. Хэрэв Та хараахан Ronin Wallet-тай болж амжаагүй байгаа бол уг нийтлэлийн эхэн хэсэгт заасны дагуу хэтэвчээ үүсгэж болно.
8. Байршуулах хөрөнгөө зааж өг. Жишээндээ бид ETH-ийг байршуулах болно.
9. Next дараад, Ронин хэтэвчрүү илгээх хөрөнгийн нэр төрөл, дүн хэмжээг хянаад, баталгаажуулах цонхонд ханд. Мэдээж энэ шатанд мөн Эфириумийн сүлжээг ашигласны төлбөр болох түлшний дүнг бас анзаараад авахаа мартуузай. Тухайн агшин дахь сүлжээний ачааллаас хамаараад энэ дүн өөрчлөгдөх боломжтой байдаг учраас тогтмол хянаж байх нь зүйтэй байдаг.
10. Тоглож эхлэхийн тулд, дор хаяж 3 Акси худалдаж авч, баг бүрдүүлэх хэрэгтэй. Түүний тулд, Axie Marketplace-т хэтэвчээ холбоод (дээрх жишээний дагуу үргэлжлүүлэн тайлбарлавал, мэдээжийн хэрэг Ronin Wallet-ийг холбоно), наймаагаа хийх хэрэгтэй. Хэрэв Та өмнө нь Axie бүртгэл үүсгэж байсан бол, дахин бүртгэл үүсгэх шаардлагагүй буюу шууд нэвтэрч ороод, хэрэглэх боломжтой.
Байнансаас RON сүлжээ буюу Ронин хэтэвчрүү шилжүүлэг хийх зааврыг ХАРАХ
1. Wallet - Fiat and Spot цэсээр ор.
2. Хөрөнгийн жагсаалтаас WETH-ийг хайж олоод, түүнд хамаарах Withdraw буюу татан авах холбоос дээр товш.
3. Шилжүүлж авах Ronin Wallet-ийн хаягийг хуулж оруул. Ингэхдээ гэхдээ доорх зурагт харуулсны адилаар "ronin:" гэсэн хэсгийг "0x" гэсэн тэмдэгтээр сольж бичих шаардлагатайг анхаарна уу.
4. Илгээх Network буюу сүлжээгээ RON дээр тохируулаад, татах дүнгээ шивж оруулаад, Withdraw дар.
5. Гүйлгээний мэдээллээ ерөнхийд нь дахин 1 урьдчилж шалгаад, баталгаажуулсны дараа, хэтэвчинд байрштал нь багахан хугацаанд хүлээнэ.
Ронин хэтэвчээс гүйлгээ хийх зааврыг ХАРАХ
1. Ronin Wallet-ийн самбараас Send товчийг дар.
2. Хүлээж авах хэтэвчийн хаяг болон илгээх хөрөнгийн төрлийг, дүнгийн хамтаар зааж өгөөд Next товчийг дарж, шилжүүлгийг үргэлжлүүлнэ.
3. Ингээд эцэст нь гүйлгээнийхээ мэдээллийг эцэслэн 1 шалгаад, Confirm дарж баталгаажуулснаар, гүйлгээ хийгдэнэ. Ронин хэтэвч нь хэрэглэгч бүрт, өдөр бүр, эхний 100 гүйлгээг ямар ч шимтгэлгүйгээр хийх боломжыг олгодгоороо онцлог.
Уг нийтлэл болон манай БЛОГ танд таалагдсан бол манай Facebook хуудас болон Twitter хуудас дээр биднийг дагаарай!
Баярлалаа!
0 Response to "Ronin Wallet гэж юу вэ?"
Post a Comment
САНАМЖ: Зочдын үлдээсэн сэтгэгдэлд уг блогын админ(ууд) хариуцлага хүлээхгүй бөгөөд нэргүй (unknown) зочдын сэтгэгдэлд хариулт өгөхгүйг анхаарна уу.