Крипто тайлбар толь [21-р хэсэг]

1

1. Алгоритм
2. Нууцлал/Encryption
3. HODL
4. BUIDL
5. Баавгай/Bear
6. Бух/Bull
7. Бусад зоос/Altcoin
8. Шуудай
9. Хэшийн мод
10. Блок

2

1. Анхдагч блок
2. Криптограф
3. Блокын өндөр
4. Зангилаа
5. Өнчин блок
6. Хэш
7. ASIC
8. Хэшлэх хурд (h/s)
9. 2-р давхарга
10. Фрэмворк

Тусгай (Товчлолууд)

1. FUD
2. FOMO
3. SAFU
4. ROI
5. ATH
6. ATL
7. DYOR
8. DD
9. AML
10. KYC

3

1. Орлох чадвар/Fungibility
2. Арилжааны хэмжээ/Volume
3. Зах зээлийн үр ашгийн тооцоолол
4. Өмчлөл
5. Зоос
6. Бирж/Exchange
7. Хаяг
8. Үр үгс
9. Нийт хэмжээ
10. Блок хаасны урамшуулал

4

1. Нээлттэй эхийн програм хангамж
2. DApps
3. API
4. DeFi
5. Тогтвортой зоос/Stablecoin
6. DAO
7. Индекс
8. AON
9. Талбар/Platform
10. Журам/Protocol

5

1. Сүлжээ/Network
2. Тогтолцоо буюу Систем
3. Экосистем
4. Токен
5. ERC-20
6. Сервер
7. Тюрингийн машин
8. Тюрингийн Цогц ба Дулимаг
9. WETH
10. DEX

6

1. Шал/Support
2. Тааз/Resistance
3. Захиалгын жагсаалт
4. Өндөр давтамжтай арилжаа
5. Халимнууд буюу Том тоглогчид
6. Суурь шинжилгээ
7. IPO
8. IEO
9. Зөвшөөрөгдсөн жагсаалт
10. SEC

7

1. CFTC
2. Үндсэн сүлжээ/Mainnet
3. Үндсэн сүлжээний шилжилт
4. Зарах хана
5. Авах хана
6. Ханшийн зөрүүнээс ашиг олох
7. Сатоши Накамото
8. Авах\Зарах ханшийн зөрүү
9. Савлагаа/Volatility
10. Зах зээлийн үнэлгээ

8

1. Эргэлтийн хэмжээ
2. Дээд хэмжээ
3. Аюулгүй байдлын шалгалт
4. Контент
5. Хаялага/Airdrop
6. Шинэчлэлт
7. Хэрэглүүр буюу Програм
8. Төхөөрөмж
9. Давтагдашгүй дугаар/Nonce
10. Сан

9

1. Санамсаргүй түүврийн арга
2. Хөрөнгийн багц/Portfolio
3. Сатоши
4. Танилцуулга/Whitepaper
5. Фьючерс хэлцэл
6. Гадаад валютийн арилжаа/Forex
7. Барьцаа
8. Хөрөнгө оруулагч сахиусан тэнгэр
9. Нэр дэвшигч блок
10. Буулт

10

1. Алтан зөрлөг
2. Унаж буй хутга
3. Үүлэн чөлөөний нар/Dead Cat Bounce
4. Гоожих/Tank
5. Граф/Chart
6. Жишиг/Standard
7. Төлөв/Position
8. Загвар/Pattern
9. Уналт/Dip
10. Хөрөнгийн зохион байгуулалт

11

1. Идэвхтэй зохион байгуулалт
2. Тогтсон зохион байгуулалт
3. Сул гарт
4. Ажиглалтын жагсаалт/Watchlist
5. Сар
6. Алдагдлаа хүлээн зөвшөөрөх/Rekt
7. Лаа
8. Зарлага/Орлогын тэнцэтгэл/BEP
9. Маналзуулах/Flippening
10. Таналзуулах/Flappening

12

1. Хэрэглэгч таних шалгалт/CAPTCHA
2. Биткойны ноёрхол
3. Лааны гол
4. Сахал
5. Тэмдэглэгээ
6. Хэрэглээний үнийн индекс
7. Тэнцэтгэлийн зөрүү
8. Мөнгөний бодлого
9. Зөгийн балны сав
10. Төсвийн бодлого

13

1. Төв банк
2. Мөнгө хэвлэгчээ асаагаад Бррррр
3. Хий
4. Хийн хэмжээний хязгаар
5. Гвей
6. Ягер
7. ERC-721
8. Бүртгэлд нэмэх
9. Бүртгэлээс хасах
10. Нийтийн хэрэглээний эрх

14

1. Алмазан гарт
2. Жилийн хүү
3. CEX
4. Эрч
5. Үнэ цэнээ хадгалагч
6. Сэтлэлт
7. Мөнгөний нэгж
8. Догдлол/Sentiment
9. Харилцан хамааралтай ажиллах
10. Эрэлтийн хууль

Тусгай (Эшлэлүүд)

1. Марк Дуглас #1
2. Билл Липшуц
3. Марк Дуглас #2
4. Жорж Сорос #1
5. Ларри Хит
6. Жорж Сорос #2
7. Брюс Ковнер
8. Стивен Кларк
9. Жек Швагер
10. Жесси Ливермор

15

1. Холбоос/Link
2. Нам ёроол/LL
3. Нам орой/LH
4. Өндөр ёроол/HL
5. Өндөр орой/HH
6. Чиг хандлага/Trend
7. Асуугаад, мэдээд ав/Ask Me Anything
8. Тооцоолуур буюу Компьютер
9. Хэвлэлт/Mint
10. Хэрэглүүрийн хөгжүүлэлтийн үе шатууд

16

1. Хүлээлт/Daemon
2. Хувиа хичээсэн олборлолт
3. Хэлхээнээс гадуур/Off-Chain
4. Токен түгжилт
5. Ханшийн хөдөлгөөн
6. Хар хунгын үзэгдэл
7. Хэрэглэгчийн харилцах загвар/User Interface
8. Хөмрөг
9. Төгс тооцоолуур/Supercomputer
10. Тусгайлсан/Ad Hoc

17

1. Дуудлага худалдаа
2. Уралдах дайралт
3. Хиртүүлэх дайралт
4. Гараг хоорондын файлын систем
5. Фаял
6. Интернэт
7. Эх код
8. Хангамж
9. Төвлөрсөн бус, бие даасан хоршоо
10. Бүртгэл/Ledger

18

1. Арилжааны хослол
2. BEP-20
3. Шарп харьцаа
4. Баталгаажуулалтын хугацаа
5. Виртуаль машин
6. Загварчлалын алдааны халдлага
7. Хоригт тэсвэртэй байдал
8. Дэвшилтэт веб хэрэглүүр
9. Түрүүлж хөдлөхийн давуу тал
10. Илчлэхгүйгээр батлах

19

1. Блокчэйний хөтөч
2. Кечак (SHA-3)
3. Хөөс
4. QR код
5. Интернэтэд холбогдсон буюу Онлайн
6. Хак
7. PIN код
8. Мийм
9. Тусгай\Давуу эрхтэй хэрэглэгч буюу Админ
10. Нэгдмэл олборлолт

20

1. Тайлал/Decryption
2. Боловсруулагч нэгж/CPU
3. Биткойн Пицца
4. Хүндрэл
5. Бэлчир/Confluence
6. Хүчээр хөрвүүлэлт
7. Сосан/Mempool
8. Линукс
9. Зарцуулагдаагүй гүйлгээний гаралтууд
10. Үртэс/Cookie

Өөрчлөгдөшгүй, дархан байдал

Immutability гэж тооцоолуурын шинжлэх ухаанд, анхны үүсгэгдсэн хэв шинжээс нь өөрчилж, засварлах боломжгүй байдлыг илэрхийлдэг. Биткойн болон Блокчэйний хувьд, энэ нь онцлох гол давуу талаар нэрлэгддэг ба, үүнийхээ ачаар Засгийн газар болон томоохон байгууллагуудын дарамт шахаа, солио холио, мэдээллийг гуйвуулах, нуун дарагдуулах явдлаас хамгаалагдаж чадсан. Хүссэн мэдээллээ, хүссэн үедээ шалгах бүрэн боломжтой байдаг учир, үл засварлагдах чанар нь өгөгдлийн бүрэн бүтэн байдлыг хангах дээд зэргийн шийдэл болсон гэж үзэж болно.

Ил Блокчэйний хувьд, энэ чанар нь өнөөгийн бүрэлдээд буй итгэлцэл болон хөндлөнгийн шалгалтын тогтолцоог бэхжүүлэхийн хажуугаар, ийм шалгалтыг гүйцэтгэхэд зарцуулах цаг хугацаа, төсөв мөнгийг хэмнэх боломжыг олгодог. Байгууллагын хувьд, ийм чанрыг буй болгосноор, үйл ажиллагаа болон орлого, зарлагын мэдээллээ бүрэн бүртгэж, тухайн өгөгдөлдөө үндэслэн зардлаа бууруулах гарцыг эрэлхийлэх, цаашлаад бүтээмж, үр ашгийг нэмэгдүүлж ч болно. Түүгээр ч зогсохгүй, маргаан эцэслэх, найдвартай, хөдөлшгүй баримтыг бүрдүүлж өгөх ч боломжтой.

Хэдийгээр, Биткойн болон Блокчэйн нь өөрчлөгдөшгүй чанрын давуу талыг эдэлдэг анхны бөгөөд онцлох хэрэглэгчид мөн боловч, Блокчэйн дээрх өгөгдлүүд 100% бүрэн хамгаалагддаггүйг мартаж болохгүй. Халдахаар санаархагч сүлжээний нийт хэшлэх хүчин чадлын тэн хагасаас илүүг захирч чадсан тохиолдолд, 51% дайралтыг гүйцэтгэж, улмаар өгөгдлийг өөрчлөх эрхийг олж авч болдог. Мөн, шинээр хийгдэж буй гүйлгээнүүдийг баталгаажуулахгүй гацаах эсвэл бүүр буцаах ч боломжтой болох хэдий ч, Биткойн шиг том сүлжээний хувьд энэ төрлийн халдлагыг үйлдэхэд асар их хөрөнгө мөнгө, цахилгаан эрчим хүчний чадал, өндөр хүчин чадалтай олон тооны тоног төхөөрөмж хэрэг болно. PoW хэлбэрийн, хэшлэх чадал бага бусад сүлжээний хувьд ийм халдлагад өртөх магадлал өндөр ч, халдлага үйлдэхийн тулд хэшлэх хүчийг ашиглах нь, блок хаагаад хүртэх урамшууллын хажууд ашиг багатай байдаг тул, үйлдэгдэх нь бага байдаг.

Итгэлцэл шаардлагагүй байдал

Trustless зохион байгуулалт гэж, оролцогч талууд хоорондоо харилцан итгэлцэл үүсгэх эсвэл гуравдагч, итгэмжлэгдсэн талаар зохицуулалт хийлгэх шаардлагагүй байдлыг хэлнэ. Өөрөөр хэлбэл ийм бүтэцтэй үед, системийг бүхэлд нь хянаж, удирдах ерөнхий удирдлага, зохицуулалтын төвлөрсөн цэг, гэж байдаггүй бөгөөд, оролцогч талууд 1 нөгөөгөө мэдэх ч шаардлагагүйгээр, зөвшилцөлд хүрэх боломжтой байх юм. P2P сүлжээний итгэлцэл шаардлагагүй байдлыг анх Биткойны төсөл дэлхий нийтэд танилцуулж байсан ба, үүний тусламжтайгаар түүн дээр гүйцэтгэгдэж буй гүйлгээнүүд баталгаажиж, Блокчэйнд халдагдашгүйгээр бичигдэж байдаг билээ.

Итгэлцэл нь, эдийн засгийн чухал хэсэг болох шилжүүлэг, гүйлгээний дийлэнхэд ямар 1 байдлаар хамааран оршдог гол хүчин зүйл хэдий ч, итгэлцэл шаардахгүй тогтолцоонд, эдийн засгийг өөрчлөх хүч бий. Гэхдээ, ийм системд харилцан итгэлцэл огт байхгүй гэж бодож болохгүй, харин маш бага л шаардагддаг болсон байдаг. Төвлөрсөн системд хэрэглэгч, ерөнхий удирдлага, зохицуулалтанд бүх хүч, эрх мэдлийг олгож, хувийн мэдээллээ даатгадаг тул, маш чанд итгэлцэл үүссэн байх нь бий. Гэвч, энэ төрлийн систем нь гэмтэл доголдол гарах, халдлага дайралтанд өртөх, хакдуулах, эрх мэдлээ урвуулан ашиглах зэрэг олон зөрчил, дутагдлаараа хэрэглэгч, үйлчлүүлэгчдийнхээ итгэлийг мохоож байдаг. Түүгээр ч зогсохгүй, итгэж хадгалуулсан, үнэмшиж харж буй мэдээлэл, өгөгдлүүдийг тань Таны зөвшөөрөлгүйгээр, санаатайгаар өөрчилж, 3-дагч этгээдэд худалдаж, бүр устгаж, хандах эрхийг хязгаарлах нь энүүхэнд.

Мөнгө, санхүүгийн хувьд төвлөрсөн тогтолцоо илүү өргөн нэвтэрч, хэрэглэгдэж байгаа нь үнэн боловч, сүүлийн үед банк болон уламжлалт санхүүгийн систем итгэх, хүмүүсийн итгэл буурч, Блокчэйний гайхамшгийг ойлгож хэрэглэх нь нэмэгдэж байна. Хэн ч зоргоороо өөрчилж чадахгүй, компьютерийн код, давуу эрхтэй хэрэглэгчгүй систем нь, 1 баян, том даргын ааш авираар шийдэгдэх, амархан эвдэгдэх тогтолцооноос хамаагүй илүү гэдэгтэй хэн ч маргахгүй биз ээ. Биткойн болон бусад PoW загварын Блокчэйнүүд нь, шударгаар хөдөлмөрлөгсдийг урамшуулах замаар, итгэлцэл шаардлагагүй системийг бүтээсэн бөгөөд, мөнгөн шагнал нь сүлжээний аюулгүй байдлыг хамгаалах, оролцогч, харилцагчдын хоорондын ойлголцлыг бэхжүүлэх чухал нөлөөлөгч хүчин зүйл болдог. Үүнийхээ ачаар Блокчэйн, төвлөрсөн цэгт учирч болох аюулуудаас бүрэн дархлагдсаны дээр, бусад халдлага, сул талуудаас ч сайтар хамгаалагдаж чадсан.

BEP-2

Binance Chain буюу Байнанс хэлхээн дээр токен үүсгэн бүртгүүлж, ачааллуулах техникийн жишгийг BEP-2 гэнэ. Уг жишигт, Байнанс хэлхээний экосистемд ажиллахын тулд, токенуудын дагаж мөрдөх дүрмүүдийг тусгаж өгсөн байдаг. Энэ жишиг нь, Эфириумийн хувьд ERC-20 жишигтэй адил ойлголт юм. BEP-2 нь програм хангамж биш, техологийн шаардлага бөгөөд, Байнанс хэлхээний экосистемийн хэвийн ажиллагаа, токенуудын хоорондын харилцааг зохицуулах үүргийг гүйцэтгэнэ. BEP-2 жишгээр олон төрлийн цахим хөрөнгө, арилжаалж болох бараа бүтээгдэхүүнийг үүсгэж болно. Ийм бэлэн жишгийг ашиглах нь, асар их ажил, цаг хугацаа, хөдөлмөр хэмнэх давуу талтай.

Байнанс хэлхээний унаган зоосыг Байнансийн зоос гэх ба BNB гэсэн 3 үсгээр тусгайлан тэмдэглэдэг. Уг зоос нь, Эфириумийн хийн адилаар сүлжээний шимтгэл төлөхөд хэрэглэгдэх тул, BEP-2 токенийг шилжүүлэх, ашиглахын тулд багахан хэмжээний BNB-г мөн эзэмшиж байх шаардлагатай. BEP-2 төрлийн токенуудыг, хадгалж чадах олон хэтэвч байгаа ч, Trust Wallet-г хэрэглэх нь хамгийн зохимжтой болов уу. Төхөөрөмжин хэтэвч сонирхдог бол, Ledger Nano X, Ledger Nano S, Trezor Model T, Coolwallet S зэрэг хэтэвчүүд BEP-2 дэмжин ажиллана. Байнанс хэлхээн дээр бүртгэгдсэн токенуудын жагсаалт, харгалзах мэдээллийг харахыг хүсвэл ЭНД дараад, Байнанс хэлхээний блокын хөтчөөр зочлоорой.

Хураангуй өгөгдөл

Өөр өгөгдлийн талаарх мэдээллийг агуулсан өгөгдлийг Metadata гэнэ.

GitHub

GitHub нь, вебд суурилсан, нээлттэй эхийн хөгжүүлэлт, байршуулын платформ юс. Энд хэрэглэгчид, фаял, бичиг баримт, код зэргийг өөрийн бүртгэл дээр хуулж бөгөөд, түүнийг нь бүртгэлгүй хэрэглэгчид ч харах, татах, хөгжүүлэлтэнд саналаар болон гүйцэтгэлээр оролцох боломжтой байдаг. Зардал багатай байхаар загварчилагдсаныхаа хүчинд, GitHub нь өдгөө дэлхий дээрх хамгийн том, эх кодын талбар болоод байна. Уг вебд хандахыг хүсвэл ЭНД дараарай.

Тусгаарлагдсан хөшүүрэг

Isolated Margin-г, тухайн 1 төлөвт харгалзах хөшүүргийн дүн гэж ойлгож болно. Тусгаарлагдсан ийм хөшүүрэгт арилжааны горим нь, тусдаа хөшүүрэгтэй төлвүүдийг нээх замаар эрсдлийн зохицуулалт гүйцэтгэх боломжыг олгодог. Эдгээр төлөв бүрийн хөшүүргийн хэмжээг тусад нь тохируулж болох бөгөөд, Isolated Margin горимд хүчээр хөрвүүлэгдэх үед, бүх маржныг бус, тусгаарласан хэмжээгээр л хөрвүүлдэг. Жишээлбэл, хэрэглэгч маань, $1'000 USD-ын үнэлгээ бүхий BTC-ын 10х хөшүүрэгт арилжаанд орох хүсэлтэй байг. Түүний маржн дансанд нийт $2'000 USD байсан бөгөөд түүнийхээ тодорхой хэсгийг л эрсдэлд оруулж чадахаар байсан гэж үзвэл, тэр $100 USD-ыг тусгаарлагдсан маржн дансандаа байршуулаад, түүнийгээ ашиглаж болно. Ингэсэн тохиолдолд, төлвөө хаалгалаа ч, ердөө $100 USD-ыг л алдах юм.

Тусгаарлагдсан хөшүүргийн горимд, нээлттэй байгаа төлвийн хөшүүргийн хэмжээг өөрчилж болдог. Өөрөөр хэлбэл, төлөв хураагдахад ойртсон байвал, маржнаа өсгөөд, түүнийг хамгаалж авч үлдэж болно гэсэн үг. Энгийн маржн горимд нэгэнт нээгдсэн төлвийн хөшүүргийг тохируулах боломжгүй байдаг тул, арилжаанд орохын өмнө төлвийн горимоо шалгаж, зөв тохируулж хэвших хэрэгтэй.

Хөндлөн хөшүүрэг

Тусгаарлагдсан хөшүүргээс гадна, хөшүүрэгт арилжаанд өргөн хэрэглэгддэг өөр 1 чухал горим бол, Cross Margin. Энэ горим нь, маржн дансан дахь бүх дүнг, нээлттэй байгаа төлвүүдийн дунд харилцан хүртээмжтэй түгээх замаар, татан буугдахаас нь сэргийлж байдаг. Хөндлөн хөшүүргийн үед, хүчээр хөрвүүлэлт тохиолдвол, нээлттэй байгаа төлвүүдийн хамтаар, дансан дахь хөрөнгөө цөмийг нь алдах эрсдэлтэй байдаг. Хүчээр хаагдахад дөхсөн төлвийн амссан хохирлыг, өөр төлвийн ашгаар нөхдөг учир, ихэнх арилжааны платформууд уг горимыг, үндсэн горимоор тохируулсан байдаг. Энэ сэдвийг сонирхож байвал, "Margin Trading", "Forward & Futures Contract", "Perpetual Futures Contract" зэрэг нийтлэлүүдийг уншаарай.

Олборлолтын аж ахуй

Крипто валютийг олборлох зорилгоор, олон тооны олборлогч төхөөрөмжүүдийг нэгтгэн ажиллуулж буй байр, газрыг Mining Farm гэнэ.

Хүндрэлийн тэсрэлт

Эфириумийг PoS системд шилжүүлэх явцдаа нэмж тусгасан, олборлолтын хүндрлийг огцом өсгөгчийг, Difficulty Bomb гэнэ. Эфириумийн олборлолт, дунджаар 10-20 секунд тутамд 1 блок хаагдахаар тохируулагдсан байдаг ба, олборлогчдын тоо нэмэгдэхийн хэрээр, тэдний олборлох нийт чадалд тааруулан хүндрэлийг нэмэгдүүлэх журам үйлчилж байдаг. Гэвч зөвшилцлийн энэ алгоритмын хэв загвар нь мөн, блокын тодорхой өндөрт хүрэх үед, нийт хүндрэлийн хэмжээг нэмэгдүүлэх, тусгайлан заасан нэмэлт хүндрүүлэгчтэй байдаг ба түүнийг хүндрэлийн тэсрэлт хэмээн нэрлэдэг. Энгийнээр бол уг тэсрэлт нь, цаг хугацаа өнгөрөхийн хэрээр олборлолт гүйцэтгэхэд хэцүү болгох зориулалттай бөгөөд, ийм байдлаар олборлогчдын тоог цөөлөх зорилготой аж. Хүндрэлийн тэсрэлт нь, эцэстээ "мөстлөгийн үед" хүргэх буюу цаашид олборлох боломжгүй болгох зохицуулалт юм. Энэ зохицуулалыг, Эфириумийн хөгжүүлэлтийн төлөвлөгөөний дагуу, PoW-г халах зорилгын хүрээнд нэвтрүүлсэн. Гадаслалтыг гол зорилго болгохоор зорьж буй учир, хуучин хэлхээн дээр шинэ блок үүсгэх ажиллагааг үүгээр хааж байгаа ба, энэ зохицуулалтын ачаар, 2 тусдаа салаалсан хэлхээ зэрэгцэн хөгжихгүй байх боломжыг бүрдүүлжээ. Түүнчлэн үүний нөлөөгөөр, Эфириумийн хэлхээний хөгжүүлэлтийг удаашруулж, зогсонги байдалд оруулж болохгүй нөхцөл үүссэн нь, зогсолтгүй хөгжүүлэгдэхийн үндсийг тавьсан чухал ач холбогдолтой юм.

Цагийн түгжээнд хэшлэгдсэн гэрээ

Hashed TimeLock Contract (HTLC) нь, төлбөр төлөх сувгуудыг өөрчлөн зохион байгуулж чадах ухаалаг гэрээг үүсгэгч тусгай чадвар/боломж юм. Энгийнээр бол HTLC нь, 2 хэрэглэгчийн хооронд хугацаанаас хамааран хэрэгжих гүйлгээг гүйцэлдүүлэх боломжыг олгоно. Тодруулбал, HTLC гүйлгээг хүлээн авагч нь, төлбөрийг хүлээн авсан тухай криптограф баримтыг зохих хугацаанд (эсвэл блокын өндрийн тоонд) багтаан хариу илгээж, мэдэгдэх ёстой ба, тэгээгүй тохиолдолд тухайн гүйлгээ автоматаар буцаагдана. HTLC-ийг, дундын зуучийн оролцоогүйгээр, 2 чиглэлт болон замчилсан төлбөрийн сувгуудын аль алинд ашиглаж болох ба, крипто валютийн HTLC шилжүүлгийн жишиг нь дараах 2 үндсэн хэсгээс бүрдэнэ. Үүнд:

1. Хэшийн түгжээ - Хөрөнгийг, криптограф баримтыг олгох хүртэл, түгжиж хадгална.
2. Цагийн түгжээ - Хөрөнгийг, тодорхой хугацаанд (эсвэл блокын өндөрт хүртэл) түгжинэ. Энэ боломжыг, Биткойнд нэвтрүүлэн ашиглах бүрэн боломжтой бөгөөд, үүний тулд CheckLockTimeVerify болон CheckSequenceVerify функцүүдийг ашиглах шаардлагатай.

HTLC-ийг ашигласан, хамгийн алдартай жишээгээр LN-г нэрлэж болно. Энэ талаарх дэлгэрэнгүй мэдээллийг ЭНД-ээс уншиж болно. HTLC-ийг мөн, солилцоо, санхүүгийн ухаалаг гэрээ, Escrow буюу тусгай нөхцөлт хадгаламж зэрэгт хэрэглэх боломжтой байдаг.